كاهن الوهابية محمد حسان شاف 16 جندي بيتدبحوا وقت الفطار في رمضان وفضل ساكت ومقالش الدم حرام
محمد حسان شاف 8 مواطنين عزل بيتدبحوا ادام الاتحادية في ديسمبر 2012 وفضل ساكت ومقالش الدم حرام !!
محمد حسان شاف 12 مواطن أعزل اتقتلوا في المنيل و34 مواطن في بين السرايات اتقتلوا بمنتهى الوحشية .. ورغم كده فضل ساكت ومقالش الدم حرام !!
محمد حسان شاف 9 شباب صغيرين من الشباب المصري يتم قنصهم برصاص حي في المقطم وفضل ساكت ومقالش الدم حرام !!
محمد حسان شاف طفل صغير عنده 10 سنين اتقتل في العريش وفضل ساكت ومقالش الدم حرام !!!
محمد حسان شاف شاب عنده 20 سنة اتقتل في ميدان التحرير في نهار رمضان وفضل ساكت ومقالش الدم حرام !!
محمد حسان شاف الإخوان بيقتلوا مواطن في الإسماعيلية لمجرد بس إنه قالهم عيب تشتموا جيش مصر .. ورغم كده فضل ساكت ومقالش الدم حرام !!!
محمد حسان شاف تهديدات وجدي غنيم وصفوت حجازي وعبدالماجد والزمر وغيرهم بسحق وقتل المصريين .. ورغم كده فضل ساكت ومقالش الدم حرام !!
محمد حسان شاف أطفال بيترموا من فوق أسطح العمارات وفضل ساكت ومقالش الدم حرام !!
محمد حسان شايف كل يوم بيستشهد على الأقل جندي مصري في سيناء ومع ذلك عمره ما طلع وقال إن الدم حرام !!
محمد حسان شاف عشرات اتقتلوا في بورسعيد واللي طلعوا عليهم جنازة كمان اتقتلوا ومع ذلك فضل ساكت ومقالش الدم حرام !!
كفاية بقى
كفاية بقى تجار دين وتجار دم
ده بدل ما تطلع تقول لأنصار المخلوع إن حفيد سيدنا رسول الله عليه الصلاة والسلام تخلى عن الحكم وعن الشرعية حقناً لدماء المسلمين ؟!
ده بدل ما تطلع تقول إن النبي عليه الصلاة والسلام بيقول للناس إلزموا بيوتكم وقت الفتن ؟!!
ده بدل ما تطلع تقول إن النبي عليه الصلاة والسلام قال لما الفتنة تحدث سيروا خلف الجهة التي سيكون فيها الجند الغربي أى الجند المصري ؟!!!
أول مرة أشوف واحد بيزعم إنه شيخ وإنه بيخاف من ربنا ويقول دم المسلم ده حلال لأنه معارض لمرسي ودم المسلم ده حرام لأنه مؤيد لمرسي !!
لما الدم كله يبقى حرام، ساعتها بس هيبقى دمكم حرام ..
شيوخ الدجل ... انتهى زمنكم
ليست هناك تعليقات:
إرسال تعليق